2024-жылдын 19-февралынан 1-мартына чейин райондук ички иштер бөлүмдөрүнүн тергөө кызматынын башчылары ИИМдин Академиясында квалификациясын жогорулатышты.
Жалпы 25 жетекчи келип, кызмат өтөөдөгү эң керектүү жана зарыл болгон маалыматтарды ала алышты.
Бул иш-чара Академиянын окуу-планына жана Ички иштер министринин жыл башында койгон, кызматкерлердин деӊгээлин жогорулатуу боюнча окутуп-үйрөтүүнү тынымсыз өткөрүү талабына ылайык уюштурулду.
Курсту натыйжалуу өткөрүү үчүн бир гана ИИМдин Академиясынын профессордук-окутуучулук курамы эмес тажрыйбалуу практикалык кызматкерлер да чакырылат.
Окуунун аягында алган билимин бекемдөө үчүн тергөө кызматынын башчылары атайын сынак тапшырып, ийгиликтүү өткөндөр тастыктамага ээ болушту