3-март Кыргыз Республикасынын Мамлекеттик туусунун 31 жылдык мааракесине карата ИИМдин Академиясында майрамдык иш-чара болуп өттү.
![](https://academy-mvd.kg/wp-content/uploads/2023/03/331526060_1894051187626225_2708277509521278234_n-1024x768.jpg)
Иш-чара гимндин коштоосунда Мамлекеттик тууну көтөрүү менен башталды. Кыргыз Республикасынын ИИМдин Академиясынын начальниги милициянын генерал-майору Т. Абитов катышуучуларды майрамы менен куттуктап, кыргыз эли тээ байыртадан бери эле өз туусуна ээ болуп, тууга өзгөчө маани берип, маанилүү символ катары көздүн карегиндей сактап келгенин жана туу – көз карандысыздыктын, мамлекетке болгон сүйүүнүн символу экенин белгилеп, Кыргызстандын желегин дүйнө-жүзүнө желбиреткен уул-кыздардын көп болушун каалады.
![](https://academy-mvd.kg/wp-content/uploads/2023/03/328300574_1378728026239241_1998713761374320397_n-1024x768.jpg)
Андан соң, Мамлекеттик туунун тарыхы, түсү жана белгилеринин мааниси жөнүндө кыскача баяндама окулду.
Иш-чаранын соңунда Кыргызстандын ЖОЖдор арасында “Ден-соолук – 2023” спартакиадасынын жеңүүчүлөрүнө, жана ошондой эле республикалык деңгээлде өткөрүлгөн спорттук мелдештердин жеңүүчүлөрүнө сыйлыктар тапшырылды.
![](https://academy-mvd.kg/wp-content/uploads/2023/03/331513176_1425147818231800_7647550489828334310_n-1024x768.jpg)
Иш-чара ИИМдин Академиясынын өздүк курамынын салтанаттуу маршы менен аяктады.
![](https://academy-mvd.kg/wp-content/uploads/2023/03/330593942_461975172721993_6455235776121065450_n-1024x768.jpg)