30-апрелде Кыргыз Республикасынын Президентинин “Инсандын адеп-ахлактык-руханий өнүгүүсү жана дене тарбиясы жөнүндө” Жарлыгына ылайык жана келе жаткан 9-май Улуу Ата Мекендик согуштагы жеңиштин 77 жылдыгына карата Аскердик, атайын-тактикага даярдык кафедрасы тарабынан уюштурулган интеллектуалдык сынак болуп өттү.
Иш-чарага 1-курстун курсанттарынын арасында уюштурулуп, үч этаптан турган. Биринчи этабында катышуучулар, өздөрүнүн командасын тааныштырып, эмблемаларынын чечмелениши тууралуу айтып беришти.

Экинчи этап суроо-жооп форматында өтүп, командалар Улуу Ата Мекендик согуш жөнүндө суроолорго жооп беришти.
Үчүнчү этапта Калашников автоматын (АК- 47) толук эмес чачып, кайра чогултуу боюнча командалар таймашты.
Үч этаптын жыйынтыгы менен Биринчи орунга “Зенит” командасы, экинчи орунга “Панфиловчулар”, үчүнчү орунга “Ракета” командасы ээ болушуп, грамота жана дипломдор менен сыйланышты.