Кыргыз Республикасынын ИИМдин Академиясынын бюджеттик негиздеги күндүзгү билим берүү факультетинин 4-курсунун курсанттары теориялык билимин бекемдөө жана тажрыйба топтоо максатында мамлекеттик практикага жөнөп жатышат.
Бүтүрүүчү курстун курсанттарына ИИМдин Академиясынын башчысынын орун басарлары милициянын полковниги Нурия Маматазизова жана милициянын полковниги Кылыч Кадыркулов мамлекеттик практика алдында нускамаларды өткөрүштү.
Нурия Маматазизова курсанттарды Ички иштер министринин буйругу менен таанышытырып, андагы курсанттарга тиешелүү пунктарды так жана туура аткарууну талап кылды.
Кылыч Кадыркулов курсанттарга өзүн алып жүрүү эрежелери, талаптары, милдеттери тууралуу нускамаларды берип, практиканы үлгүлүү өткөрүп келүүнү каалады.
Курсанттардын мамлекеттик практикасы, өздөрү келген аймактарда ички иштер бөлүмдөрүндө 2024-жылдын 5-февралынан 26-апрелине чейин өтөт.
Аларга 3 жылдан аз эмес иш тажрыйбасы бар кызматкерлер насаатчы катары бекитилип, мамлекеттик окуу программасынын негизинде жүргүзүлөт.